السلام عليكم ورحمة الله وبركاته
مسيكم الله بالخير والمسرات
طبعا هذا اول موضوع لي في هذا القسم من سجلت في المنتدى ويمكن بصراحة اول مرة ادش هذا القسم وان شاء الله ما تكون اخر مرة المهم تراني رفاعي ولكني احب محرق وأهلها احب كلامهم احب سوالفهم احب معرفتهم احب كل شي فيهم فقمت كتبت بيتين وادري اني قصرت في حقها ومهما تكلمت وشعرت من اشعار مراح اوصفها المهم شوفوا البيتين وقولولي رأيكم وسلام
محرق مني وفيني وقلبي بقلبها
سلامي سبق كلامي لمحرق وأهلها
أخبركم إني أحبكم حيل لأنكم انتو من جملها
تراني أودكم ومعزتكم في قلبي محلها
لا تلموني ترى قلبي يحب من سكنها
إذا سألت عن الطيب محرق سكنها
وإذا تبي الكرم ترى الكرم من أصلها
وإذا يب طاري الجمال ترى مافي مثلها
والله أنها حلوة والحلاه طالع منها
وإذا تبي البطولات ترى الذيب أكلها
ماترك شي للغير مافي بطولة ألا أخذها
قلي اشتبي أوصفلك عن سحرها
كرم وطيب وجمال وكل الزين منها
صعب جدا أوصف لك شكلها
ومهما تكلمت مراح أوفي حجمها
ومهما شعرت أشعار تعبني وصفها
وأبياتي بكت قالت يالغالي ظلمتها
ادري ظلمتها ومافي شاعر يوصف فخرها
بس أبياتي طلعت من قلبي إلي قلبها
هي مني وفيني وقلبي بقلبها
واكتفي بشوق وحبي وصلوه لأهلها
لا تلموني يوم قلت مافي مثلها
لأنها انزرعت في قلبي وفي قلبي محلها
وسلامتكم
الأربعاء أبريل 09, 2008 6:27 am